Choose your station and get the lowest price
It is well known how many people are willing to drive considerable distances to save a few cents per liter. The price of fuel has long been a hot topic in this country, but what if the question was no longer where it is cheapest to fill up the tank, but which station is best for me.
Magnús Hafliðason, framkvæmdastjóri N1, segir að í nýrri þjónustu N1 sem fengið hefur heitið „Stöðin mín“ felist einföld hugmynd: Fólk velji eina N1-stöð, þá sem henti því best og fái þar alltaf lægsta eldsneytisverð sem N1 býður upp á hverju sinni. Þannig þurfi ekki lengur að elta verð eða bíða eftir tilboðum, kerfið sjái sjálft um að stilla þína stöð niður í lægsta verðið.
Úr flækju í einfaldleika
„Við fundum fyrir ákveðnum pirringi hjá viðskiptavinum. Fólk er orðið þreytt á að eltast við afslætti og tilboðsdaga eða reyna að giska hvar sé ódýrast að fylla á. Jafnvel sáum við fólk keyra fram hjá sinni stöð sem er mest í leiðinni til þess eins að spara kannski eina krónur á lítrann,“ segir Magnús. „Í raun var fólk að eyða tíma og stundum meira eldsneyti við það að elta hugmyndina um að það sé að spara eldsneyti. Þarna sáum við því tækifæri til að gera betur.“ Fremur en að svara með enn einu vikubundnu tilboði eða flóknu afsláttarkerfi ákvað N1 að einfalda málið. „Við spurðum okkur: Hvað ef við leyfum fólki einfaldlega að velja sína stöð og við tryggjum að hún bjóði ávallt okkar lægsta verð? Það er sanngjarnt, gagnsætt og það virkar.“
Engin töfrabrögð, bara sjálfvirkt sanngirniskerfi
Með „Stöðin mín“ í appi N1 getur hver og einn valið þá eldsneytisstöð N1 sem passar viðkomandi best, hvort sem það er við heimilið, vinnuna, bústaðinn eða út af kaffinu sem engan svíkur. Frá því augnabliki að stöð er valin sér kerfið um að stilla verðið sjálfkrafa í takt við lægsta verð sem N1 býður á landinu. Allt gerist þetta sjálfkrafa.
„Þetta er ekki tilviljanakennd verðlækkun heldur tilraun til nýrrar nálgunar í þjónustu. Hún byggir á trausti og við teljum að framtíðin í smásölu snúist einmitt um það: einfaldleika, skýrleika og heiðarleika,“
Fríðindin fylgja þeim sem velja
Stöðin mín er hluti af N1-appinu, sem hefur þróast í öflugan miðpunkt þjónustu fyrir einstaklinga. Með því að nota appið fær fólk ekki bara lægra verð heldur einnig punkta í vildarkerfi N1: Tvo punkta fyrir hvern keyptan lítra af eldsneyti, þriggja prósenta punktasöfnun af raforkureikningi heimilisins ef fólk er einnig með rafmagn hjá N1 og svo nýtast punktarnir sem greiðsla fyrir margvíslegar vörur og þjónustu hjá N1. Í appinu er nú einnig hægt að opna fyrir dælu og hægt að panta tíma í dekkjaskipti og smurþjónustu.
„Við viljum umbuna fólki sem velur að vera með okkur til lengri tíma, ekki bara hópnum sem hoppar á næsta tilboð,“ segir Magnús. „Punktarnir leggjast inn sjálfkrafa og hægt að greiða með þeim í appinu eða á staðnum. Þetta þarf ekki að vera flókið til að vera gott.“
Meira en markaðsátak
Magnús brosir við þegar hann fær spurninguna um hvort „Stöðin mín“ sé svar við samkeppninni á markaðnum. „Auðvitað er freistandi að bregðast við með verðstríði en það teljum við vera skammtímasjónarmið. Okkur fannst áhugaverðari spurningin um hvernig byggja mætti upp langtímasamband við fólk. Hvernig við gætum látið þjónustu virka jafnt fyrir fólkið og fyrirtækið. Þess vegna einbeitum við okkur að notagildinu og að reyna gera lífið einfaldara og skilvirkara. Það er leiðin sem við veljum.“
Magnús bætir við að vissulega sé þetta leið N1 til að „spila leikinn“ en það sé gert með fólkið í forgrunni. „Á meðan aðrir binda viðskiptavini við fjórar samfelldar vikur þá gefum við fólki frelsi til að velja sína stöð og njóta lægsta verðs allar vikur í sumar.“
Hann segir framtakið kynnt sem verkefni í sumar, eða til 31. ágúst, en taki fólk nýjunginni vel hafi N1 allan hug á að halda verkefninu áfram og þróa lengra. „Jafnvel bæta næst hraðhleðslustöðvum við þjónustuna.“
En hver eru svo næstu skref N1 í þjónustu og tæknimálum? Magnús segir stöðugt til skoðunar nýir möguleikar, bæði í orku, appinu, og annarri þjónustu. „Það sem skiptir okkur mestu máli er að vera í takti við fólkið sem við þjónustum og bregðast við raunverulegum þörfum þess. Það er margt í vinnslu sem ég hlakka til að líti dagsins ljós með haustinu.“