Hún er komin aftur!
Ekta íslensk jól í pylsubrauði

Hin geysivinsæla jólapylsa er mætt aftur á stöðvarnar okkar eftir frábærar viðtökur í fyrra. Pylsan er unnin í samstarfi við SS en í ár hefur hún fengið smá uppfærslu sem færir hana enn nær því klassíska hamborgarhryggsbragði sem margir tengja við jólin.
„Hamborgarhryggspylsan sló heldur betur í gegn í fyrra og við höfum fengið ófáar fyrirspurnir um hvort hún komi aftur. Við erum því mjög ánægð að geta tilkynnt ykkur að hún sé mætt aftur og í enn jólalegri búningi,“ segir Steinunn Björk Eggertsdóttir, veitingastjóri.
Hamborgarhryggspylsan kostar aðeins 695,- og fyrir þá sem vilja enn meiri jólastemningu þá er hægt að fá litla dós af Egils Malt og appelsíni með á litlar 895,-
Kíktu við á næstu N1 stöð og fáðu þér hamborgarhryggspylsu með rauðkáli, brúnni sósu, kartöflusalati, súrsuðum rauðlauk og stökkum laufabrauðsmulningi.
Pylsan fæst á öllum helstu stöðvum okkar, að undanskildum Akranesi, Flugvöllum, Ólafsvík og Reykjavíkurvegi, sem og hjá umboðsmönnum.